Turin a l'è parei 'n na bela sgnora
ch'a ten sò pòst e ch'a veul pà dé 'nt l'euj
A prima vista av lassa freid, ma peuj
conossendla dabin - un s'annamora.
L'è seria, drita, ciaira e senssa ambreuj,
tuta dëscuerta al sol ch'a l'ancolora,
fiera dla glòria d'jer, ch'a splend ancora,
ma viva e fòrta dël travaj d'ancheuj.
L'è na sità 'd bon gust: moderna e pratica,
senssa rabel: gentila e riservà,
ch'a sa goerné soa grassia aristocratica,
e, 'n mes a tanti batibeuj, tranquila
a goarda 'n facia 'l mond e a fa soa strà
senssa ciameje gnente e gun -... da chila.